यसरी बनेकी रहिछन सुजाता उपप्रधानमन्त्री

शनिवार सांझ जतिबेला कोइराला निवासमा बसिरहेका कृष्णप्रसाद सिटौलालाई गिरिजाप्रसाद कोइरालाले तपाई बाहिर जानास् भनेर आदेश दिए, त्यहीवाट फेरी शुरु भयो सुजातालाई उपप्रधानमन्त्री बनाउने खेल ।
सांझ प्रधानमन्त्री माधवकुमार नेपाल त्यहां पुग्दा एमाले महासचिव इश्वर पोखरेल पनि पुगिसकेका थिए । कोइराला निवासमा पुर्व गृहमन्त्री सिटौला पनि बसिरहेका थिए । सासामयीक विषयमा कुरा हुंदै गर्दा विचमा कांग्रेस सपभाति कोइरालाले सिटौलालाई –‘कृष्ण तिमि एकछिन बाहिर जाउं त’ भने । सिटौलालाई बाहिर निकालेपछि कोइरालाले प्रधानमन्त्रीसित आफ्नी छोरीलाई उपप्रधानमन्त्री बनाउने पुरानो प्रस्ताव दोहो¥याउदैं भने–अब गर्दिनोस माधवजी, टुंग्यार्यदिनोस ढिला नगर्नोस ।’प्रधानमन्त्री नेपालले उपप्रधानमन्त्री बनाउंदा कांग्रेसकै अन्य नेताहरुवाट आउनसक्ने सम्भावित प्रतिकृयातिर संकेत गर्दै संशय ब्यक्त गरे । विरोध होला कि ? कोइराको प्रतिप्रश्न– को छन ? प्रमले भने– छन छन । कोइरालाले फेरी प्रतिवाद गरे– छैनन छैनन, सबै ठिक हुन्छ
सोमवार विहान प्रधानमन्त्री माधवकुमार नेपालले बालुवाटारमा बोलाएर सुजातासंग एक किसिमको अन्र्तवार्ता लिए । साथमा अर्थ मन्त्री सुरेन्द्र पान्डे र प्रमका सल्लाहकार रघुजी पन्त पनि थिए । सुजातालाइ अन्र्तवार्ता लिए जस्तै गरेर सोधियो–सरकारको स्थायित्व के हो ? समझदारी कसरी बढाउने ? अब कसरी अगाडि जाने ? सुजाताले जोसिलो पाराले जवाफ दिइन–चुनावपनि हामी मिलेरै गराउने हो ।’ उनले आफुलाई उपप्रधानमन्त्री बनाउने कुरामा पार्टीभित्र पनि कसैको पनि विरोध नरहेको दावी समेत गरिन ।
सुजातालाई आफ्नो सामुन्नेमा राखेर प्रधानमन्त्रीले कांग्रेस नेता रामचन्द्र पौडेललाई फोन गरे । ‘यसमा विरोध हुन्छ पार्टीवाट, कसैको पनि समर्थन हुन्न’ पौडेलले आपत्ति जनाए । प्रधानमन्त्रीले सुशिल कोइराला, विमलेन्द्र निधि एवं हाल भारत भ्रमणमा रहेका शेरबहादुर देउवालाई फोन गरे । शुसिलवाट यस बारेमा स्पष्ट केही जवाफ नआएपनि निधिले यस्तो निर्णय गरिएमा ठुलो विरोध हुने चेतावनी दिए । प्रम नेपालले ‘आजसम्म सभापति कोइरालाले भनेको कांग्रेसभित्र सबैले मान्दै आएको र उहांले बोलाएर गर्नोस भनेपछि मैले के गर्ने रु चित्त नबुझे गिरिजा बाबुकहां गएर कुरा गर्नोस’ भन्ने प्रतिक्रिया रामचन्द्र लगायतकालाई दिए ।
आफ्नै सामुन्ने रामचन्द्रले माधव नेपालसित अब्जेक्सन गरेको थाहा पाएपछि सुजाता दौडदै आफ्ना पितासमक्ष रिर्पोटिगं गर्न पुगिन । छोरीको रिर्पोटिगंपछि गिरिजाप्रसादले दुइपटक प्रधानमन्त्री नेपाललाई फोन गरेर कसैले केही लछार्दैनन् सबै मेरो जिम्मा भो भनेपछि सोमवार दिउसो नेपाल सुजातालाई उपप्रधानमन्त्री बनाउन तयार भएका हुन । उती बेला नै राष्ट्रपति र प्रधानमन्त्रीको संवाद भयो र अपरान्ह चार वजे हतार हतारको तयारीमा सपथग्रहणका लागि सांढे ६ वजेको समय तय गरियो । र सुजाता उपप्रधानमन्त्री बनिन ।
साभार : जनआस्था